61
mef‘ûlü fâ‘ilâtü mefâ‘îlü fâ‘ilün
1 Neşr-i şemîme ol perî kâküllerin döker
Bûy-ı meşâmm-ı hasretiyân demlerin döker
2 Oldı cihânda nâ’il-i âmâl çend sâl
Ol kim seher niyâz ile eşk-i terin döker
3 Âyâ ne yüzle dâ’ire-i himmete gelür
Nâ-merde ol ki yüzi suyı gevherin döker
4 Zâhid sanur ki katre-i meydür harâm olan
Fart-ı riyâsı cur’asınuñ ekserin döker
5 Göstermesün cemâlini hûrşîde ol perî
Reng-i kumâşı hüsn ü bahâ Ülkerin döker
6 Hûn-âbe ile eşk-i tere bakmaz ol perî
Kâlâ-yı vasla olmasa sîm ü zerin döker
7 Nazm-ı Nazîm rütbe-i vâlâda Kâmiyâ
Şevket olursa pey-revi zîb ü ferin döker
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0
