Mefâ‘îlün Mefâ‘îlün Mefâ‘îlün Mefâ‘îlün(1)
1. Nesîm-i cân güher-bâr oldugınca şâh-ı mercândan
Olur bir gonca peydâ yapragı la‘l-i Bedahşândan
2. Ruh-ı âyîneye karşu tebessümle na˙ar kılsañ
Sadef-mânend olur mir’ât ‘aks-i dürr-i dendândan
3. Nihâl-i gül degül seyr-i çemen kasdına her gonca
‘Asâ almış duhân-ı âteş-i âh-ı hezârândan
4. Görüp zülf-i siyâhın dil ruh-ı zîbâya ‘azm itdi
Güzel fehm eyledi hurşîde karşu kaçdı sü‘bândan
5. Kitâb-ı hüsne hattı hâşiye diyü ne yazdıysa
Yüzin gördük o gül cümle tıraş itmiş gülistandan
6. Dehânum çâk olur sûz-ı derûnum gibi ey Emrî
Söz açsam hançer-i gamzeyle ol şemşîr-i müjgândan
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
