Gazel
Nergis-i mestün kılaldan vâlih ü şeydâ beni
Zahmı gamzen oklarınun kıldı nâ-peydâ beni
Bahr olupdur ışkun odına yanaldan göz yaşı
Şöyle benzer kim viriser garka bu deryâ beni
Zülfünün miskini olaldan sınukludur gönül
Bilmezem kim neyleyiserdür dahı sevdâ beni
Âh ol çeşm-i kemân-ebrû elinden dem-be-dem
Kim nişân eyler belâ okına dâ’im hâ beni
Bir kılında zülfinün bin vâr ola olmış esîr
İy gönül sanma giriftâr eyledi tenhâ beni
Böyle kim başuma sevdâsı kıyâmet koparur
Bir belâya ugradur ol kâmet-i bâlâ beni
Ol dil-ârâma Cemâlî bu durur cân virdügüm
Kim ya vaslını atâ kıla yahûd ala beni
Derdiyok, İ. Çetin (hzl.) (1994). Cemâlî, Hayatı, Eserleri ve Dîvânı, Critical Edition with Facsimile. ublished at the Department of Near Eastern Languages and Civilizations Harvard University. 86.
Karamanlı Cemali Hayatı Eserleri
