Mefâ‘îlün Mefâ‘îlün Mefâ‘îlün Mefâ‘îlün
1. Nedür ol nâz u cilve dil-berân-ı ser-keşânlarda
O şîve var mıdur şimşâd u ‘ar‘arda yatanlarda
2. İl niçün yırtmak yarmakdur âhen-i dillerüñ kârı
Müşâhiddür bu ma‘nâ dikkat olunsa sabânlarda
3. Seni her zerre bir başka sıfatla itmede tavsîf
Kimi Allah kimi Yezdândur dirler zebânlarda
4. Sa‘âdet-meymenet bir terdür ashâb-ı be-vâdîde
Olur fermân revâ-yı vâdi-i eymen şebânlarda
5. Ararsañ neş’e-i tahkîk sifâl-i sâdeden iste
Ararlar mertebe zâhir gedâlar mertebânlarda
6. A zâhid kaltabân hasret-keşân ol günde bir kerre
Bir âdem olmuşı gördüñ mü sen tek kaltabânlarda
13b tîr sînemüñ] tîr-i sîne M; girersin] girersüñ M.
7. Şehân-ı ‘ışk-ı âlâyişden âzâde revişlerdür
Neler vardur alur göz ile bir baksañ çûbânlarda
8.8b Uyanıklar egerçi muttali‘dür lîk fâş itmez
Kalur şeb-düzdler esrâr-ı mensî pâsbânlarda
9. Sakın dâmân-ı ‘ışkı koyma elden var ise ‘akluñ
Bilürsin Kâniyâ Allah diyen kalmaz yabânlarda
Dr. İlyas YAZAR , K Â N Î D Î V Â N I, Ankara 2012
