Mefâ‘îlün Mefâ‘îlün Mefâ‘îlün Mefâ‘îlün
1. Nedür âyîne-i ruhsârda jengâr küsdüñ mi
Cebînüñde yine bir çîn-i nahvet var küsdüñ mi
2.2a Nedür pîşâni-i pâküñde müşgîn turra-i der-çîn
Kararmış ebruvân-ı şûh-ı ‘anberbâr küsdüñ mi
3. Kızarmış tâb-ı reng-â-reng ile fart-ı tehevvürden
Yañaguñda yine bir özge hâlet var küsdüñ mi
4. Bu nâzişlerle cânâ yüriyişden bellidür elbet
Nedür söyle diger reftâr bu reftâr küsdüñ mi
5. N’olur sen de diseñ ol şûh-ı şîrinkâra ey Kânî
Nedür bu çend rûze ‘izzet-i dîdâr küsdüñ mi
Dr. İlyas YAZAR , K Â N Î D Î V Â N I, Ankara 2012
