mefâ’îlün mefâ’îlün mefâ’îlün mefâ’îlün
1 Ne tedbîre ne tezvîre ne hâcet dâma kalmışdur
Güşâd-ı sîne-bendi cüzéî bir ibrâma kalmışdur
2 Tezerv ü kebk ü tâvûs-ı çemen yanında bir şey mi
Hırâm u nâz u şîve ol perî-endâma kalmışdur
3 Bu şeb dest-i hayâlüm ile soydum şöyle ol mâhı
Ki üstinde ne pîrâhen ne hiç bir câme kalmışdur
4 Bütün sarf eyledüm varum fakat mevcûd yanumda
O şûha yazdıgum on beş satır bir nâme kalmışdur
5 Büyükler sîr olup Pertev o her-câyîden el çekmiş
Na’îm-i vuslatuñ soñ sofrası huddâma kalmışdur
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0
