190
Mefâ‘îlün/ Mefâ‘îlün/ Mefâ‘îlün/ Mefâ‘îlün
Ne sende ‘âşık-ı dil-hasteye lutf u ‘inâyet var
Cefâ vü cevrüñe şâhâ ne bende sabr u tâkat var
Ra‘iyyetde ne kudret kaldı kim sabr ideler cevre
Benüm devletlü sultânum ne hod sende ‘adâlet var
Ferahdan sînemi kûyuñda çâk itsem ‘aceb olmaz
Ki her tıfluñ elinde baña bir seng-i melâmet var
Benüm yanumda yir yir zahm-ı tîri ey cefâ-pîşe
Hasûduñ deldi bagrın dahı kalbinde cerâhât var
Niçe diller asılmış dâr-ı zülf-i yâre ey Ravzî
Yine meydân-ı hüsninde o dildâruñ siyâset var
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
