Mefâ‘ilün Fe‘ilâtün Mefâ‘ilün Fe‘ilün
1 Ne mümkün eylemek ey mâh def‘-i gam sensüz
Ki neş’e-i mey olur mâye-i elem sensüz
2 Figân ki eyledi âhır mukîm-i tenhâyî
Sirişk-i hûni vü efgân dem-be-dem sensüz 2b
3 Harâb yegdür o dil k’olmaya hırâmgehün
Ki sahn-ı bütkededür sâha-i harem sensüz
4 Tenümde her ser-i mû şâne gibi neşter olur
İdince ârzû-yı zülf-i ham-be-ham sensüz
5 N’ola müdâm senün vasfun eylese Âgâh
Elinde ra‘şe olur cünbüş-i kalem sensüz
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
