45
Mefâ‘îlün mefâ‘îlün mefâ‘îlün mefâ‘îlün
1 Ne mâni‘ olsa bahriniñ miyânı ‘âlem-i berzah
Dil ü rûh imtizâc eyler ne deñlü olsa da gam telh
2 Kebâb-âsâ o dil kim nâr-ı ‘aşka olmamış mahrem
Dime dil sen aña hergiz ola efsürde misl-i yah
3 Dil-i insân-ı kâmil ‘arş-ı a‘zam oldıgıñ fehm it
Döner enfâs-ı âdemle muhakkak dem-be-dem bu çarh
4 Sakın magrûr-ı ‘ömr olma temelsiz sâyedür zîrâ
Her ayıñ intihâsında yazarlar târîhe bir selh
5 Libâs-ı fakr ile fahr eyle Sıdkî kalbe vir zînet
Virür mi fâ’ide ilbâs olınsa cisme dürlü nah
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
