73
Mefâ‘îlün Mefâ‘îlün Mefâ‘îlün Mefâ‘îlün
1 Ne içün kande ey şeh la‘lüñ agzı dadlı virmez
Ezildiyse leb-i şîrînüñe ol kelle baş ezmez
2 Havâdis okını kavs-i felekden gör atan kimdür
Çıkup menzil-be-menzil çarhı sen ey tîr-i âhum gez
3 Rakîbâ niçün ol şehden hicâb u vehm itmezsin
Be Peygamberden utanmaz behey Allâhdan korkmaz
4 Seni dülbend-veş bir kerre sarmak ey Hasan Şemsî
Cihânda yeg durur hamsîn-i nakd-i ‘ömrden sad kez
5 ‘Acûz-ı devr-i mekkâr ortada ‘ömr ile ey Sun‘î
Sovukluk itmedin dur duhter-i rezle humârun yaz
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
