Ne gamzeñ ohı kim atsañ nişâna irer iy meh-rû (542/1)
Yavuz göz görmesün sini eyâ Türk-i kemân-ebrû
Göñül zülfüñ ikâbınuñ ukâbı çengine düşmiş (542/2)
Nite kim avda şâhînüñ düşe çengâline tîhû
İ niçe şîr-merdi kim gözüñ âl-ile sayd itdi (542/3)
Cihânda görmedi kimse bu resme şîr-gîr-âhû
Yüzüñ renginden itmişdür şakâyık yañagın gül-gûn (542/4)
Saçuñ müşginden olmuşdur benefşe anberîn-gîsû
Yüzüñde hâlüñi gördi acablayu göñül eydür (542/5)
Ki Yâ-Rab bu gül-istâna ne vaktin girdi bu Hindû
Nice azb olmasun baña şehâ ışkuñ azâbı kim (542/6)
Cihânda yoh senüñ bigi büt-i hoş-sûret ü hoş-hû
Kadüñ arar saçuñ anber tenüñ nesrîn benüñ müşgîn (542/7)
Gözüñ nergis sözüñ şekker yüzüñ lâle dişüñ lü’lü
Eger büt-hâneye sinüñ cemâlüñ âyeti irse (542/8)
Diye bütler taâllallahü lâ Hallâka illâ hû
Bugün çün Ahmedî sinüñ hevâña âşinâ oldı (542/9)
Cihân düşmen olur-ısa aña iy dost ne kayg
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
