Mefâ`îlün mefâ`îlün mefâ`îlün mefâ`îlün
1 Ne diller var o zülf-i pîç-pîçe mübtelâlarda
Ne âdem cânları kurtulmadı kaldı belâlarda
2 Çalarsın yerlere kahr ile mir'ât-i dili ammâ
Ele alur çog olur anı şâhum dil-rübâlarda
3 Ferah gelmez gamun âvâre dilden bir dem ayrılmaz
Beni bir yâd ider yok yâdlarda âşinâlarda
4 Kanâ`at gencine mâlik olup künc-i selâmetde
Fakîr olur şeh-i devrâna baş egmez gedâlarda
5 Irişdi yine Yahyâ feyz-i ebr-i lutf-ı yezdânî
Tarâvet var çemenlerde letâfet var hevâlarda
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
