Nazîrüñ görmemiş ins ü perî bilmem ne cânsın sen

Mefâ’îlün Mefâ’îlün Mefâ’îlün Mefâ’îlün

1 Nazîrüñ görmemiş ins ü perî bilmem ne cânsın sen

Bulınmaz dünyede mislüñ meger hûr-ı cinânsın sen

2 Bu cism-i pür-letâfetle bugün sen cân-ı ‘âlemsin

Anuñçün dîdeden cân gibi her demde nihânsın sen

3 Serîr-i behcet üzre Husrev ü Şîrîn-dehenler çok

Ser-âmed serv-kâmet Ahmed-i nâzük-miyânsın sen

4 Çenâr u ‘ar’ar u şimşâd tursunlar ayag üzre

Hırâm it gülşen içre sû-be-sû serv-i revânsın sen

5 Salın ey serv-i bustân-ı safâ ser-sebz ü serdâr ol

Nihâl-i bâg-ı ‘âlem nahl-i gülzâr-ı cihânsın sen

Filibeli Dervişzade Abdurrahman Vecdi Kimdir

Prof. Dr. Hasan KAVRUK, Dr. Bahir SELÇUK, FİLİBELİ VECDÎ ve DÎVÂN’I (METİN-DİZİN), © T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3366 ,MALATYA 2009