Nazîre Türkî-i Basît
 
 [Fâ’ilâtün Fâ’ilâtün Fâ’ilün]
− · − − / − · − − / − · −
 
1 Sevgüye düşen göñül kaygu çeker
 Sevgü derdi pâreler yendek ciger
 Düşkün olur beli iki bükilür
 Sevgü derdinden kişi eñ soñ çöker
 Cân virür yârı yolında ölmege
 Yârını cândan seven cândan geçer
 Su benüm gibi delürüb sevgüden
 Ol dahı her çag kendüden gider
5 Beg güzeldür bir efendüm var benüm
 Sevdüm anı kul olub oldum nûger
İşbu yalan dünye bir ‘avratdurur
 Aña bakmaz ola ol kim gerçek er
 Cânını kurbâna saklar yârına
 Yârını bu Nazmî cân-ıla sever
 
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr