Namaz Konulu Mesnevisi’inden
Fā ‘ilātün / Fā ‘ilātün / Fā ‘ilün
: - . - - / - . - - / - . –
1. Diñleñüz iy Muṣṭafā’nuñ ümmeti
İy seven cāndan o ṣāḥib-himmeti
2. Sizler-içün n’eylemişdür ol resūl
Ṣıdḳ-ıla diñleñ anı eyleñ ḳabūl
3. Kim size oldur şefā‘at idicek
Merḥamet birle ri‘āyet idicek
4. Size raḥmet itdürüpdür Ḥaḳ anı
Lā-cerem devlet bilüñ muṭlaḳ anı
5. Emr-i ḥaḳḳ-ıla odur reh-ber bize
Cümle ḫalḳ içre odur server bize
6. Ḫalḳuñ Allāh anı ḳıldı efḍali
Enbiyānuñ evliyānuñ ekmeli124
7. Kim anuñ vaṣfuñı taṣvīr eyleye
Dil ḳalem taḥrīr ü taḳrīr eyleye
8. Bir gice Allāh raḥmān u raḥīm
Ḥayy [u] ḳayyūm u ‘alīm ü hemkerīm
9. Ḳādir ü vehhāb ü ‘allāmü’l-ġuyūb
Mālik [ü] ġaffār ü settārü’l-‘uyūb
10. Ḳullarına dā’imā raḥmet ḳılan
Bunlara lāyıḳ nedür anı bilen
11. Cümle emri ‘ilm ile tedbīr iden
Ḥikmet üzre her işi taḳdīr iden
12. Ol laṭīf ü muḥsin ü mevla’l-‘ibād
Hem ra’ūf u mün‘im ü mevla’rreşād
13. Luṭf u iḥsān ile ikrām eyleyüp
Ḫalḳ içinde ‘ālī in‘ām eyleyüp
14. Cümleden ḳıldı muḳarrebAḥmed’i
Buña ḥaḳḳ didüm kim ola Aḥmedī
15. Leyle-i mi‘rāc idi ol gicede
Çoḳ ‘aṭālar eyledi ol gicede
16. Ol ‘aṭālardan biri bu kim Resūl
Ol ra’ūf u ol ‘aṭūf u pür-uṣūl
17. Çün naẓar ḳıldı melekler ḥāline
Vaṣfına vü fi‘line vü ḳāline
18. Her birin gördi ki bir ṭā‘atdedür
Ḳamusı ṭā‘atde ḫoş ‘ādetdedür
19. Kim sücūd u kim rükū‘ u kimḳıyām
Dā’im ü ḳā’im ü ider ṣubḥ u şām
20. Kimi tesbīḥ ü kimi taḥmīd ider
Kimi ẕikr ü küllīsi temcīd ider
……..
Yrd. Doç. Dr. Suat DONUK, “CEMÂLEDDİN İSHAK EL-KARAMANÎ VE ONUN NAMAZ KONULU BİLİNMEYEN BİR MESNEVİSİ,” The Journal of Academic Social Science Studies, 27.12.2015
