Fe`ilâtün fe`ilâtün fe`ilâtün fe`ilün
 
1 Nakd-i eşki göricek dîde-i giryânumda
 Halk gencîne var anlar dil-i vîrânumda
2 Türk ü tâz eyledi ol şâh-süvâr-ı meydân
 Nâvek-i gamzeleri oynadı çak cânumda
3 Çeşm-i terden dökilür oklarunun peykânı
 Tâb-ı dilden eriyüp sîne-i sûzânumda
 
4 Himmetün şeh-peri ey vâ`iz-i bî-hûde-makâl
 Olmaya per-i meges denlü benüm yanumda
5 Inledür `âlemi aşkun tuyulur ey Yahyâ
 Acizüm inlemege külbe-i ahzânumda
 
 
Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147