Fe‘ilâtün/ Fe‘ilâtün/ Fe‘ilâtün/ Fe‘ilün
Nabzuma yanaşdı derdüm bildi Lokmân agladı
Buña ‘âlemde bulınmaz didi dermân agladı
Sen hilâl-ebrû firâkında görüp hâlüm benüm
Görinenler sanma encüm mâh-ı tâbân agladı
Hasretüñde şol kadar dil-haste vü bî-çâreyem
Âh u zârum gûş idüp mecmû‘-ı insân agladı
Her seher şeb-nem degül evrâk-ı gülde görinen
Eşk-i bülbüldür ki olup zâr u nâlân agladı
Gördi kûyuñda rakîb-i rû-siyâhı dün gice
Ravzi-i âşüfte vü bî-sabr u sâmân agladı
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
