101.
 - . - - / - . - - / - . - - / - . -
1.Nâ-mülâyim güzelüñ seyrine kâ’il degülüz
 Kara gözine kara kaşına mâ’il degülüz
2.Karşusında boyun egsek nola çevgân gibiyüz
 Mîve-i nahl-ı ser-efrâzına nâ’il degülüz
3.Ruhını pertev-i hurşîdden a‘lâ bilürüz
 Hüsn-i Bâkî dilerüz tâlib-i zâ’il degülüz
4.Mahrem-i bezm-i fenâyuz dil ü cândan geçdük
 Harem-i sohbete muhtâc-ı vesâ’il degülüz
5.Ey ‘Atâyî nice fâş olmaya esrâr-ı derûn
 Dildeki şu‘le-i nâr-ı gama hâ’il degülüz
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994