297
Fe‘ilâtün/ Fe‘ilâtün/ Fe‘ilâtün/ Fe‘ilün
Mutribâ ‘îş u neşâtı dil-i nâ-şâda getür
Ele al sâzuñı bezm ehlini feryâda getür
211
Pây-mâl itdi bizi cünd-i firâk-ı dil-ber
Sâkiyâ aldı gam ayagumuzı bâde getür
Vasl-ı Şîrîn ile ‘işretde yaraşur Husrev
Elem-i tîşe-i hecri ser-i Ferhâd’a getür
Va‘iz-i lâf-zenüñ diñleme efsânesini
Bâde-nûş ol yüri mey-hâneye seccâde getür
Telh-kâm olmayayın dirseñ eger ey Ravzî
Tuhfe-i cânuñı ol dil-ber-i kannâda getür
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
