Müstezâd Der-Kâfiye-i Mücerred În-câ Elif Revî
 
 [Mefâ’ilün Fe’ilâtün Mefâ’ilün Fe’ilün]
 · − · − / · · − − / · − · − / · · −
 
1 Yoluñda sen diriseñ cân revân ola cânâ
 Revâ nola cânâ
 Dilüñ mahabbeti cân-ıladur saña cânâ
 Bilâ-riyâ cânâ
 Seni sever dil ü cân-ıla bil ki ‘âşıkdur
 Yoluñda sâdıkdur
Şular ki karşuña zâr ola dâyimâ cânâ
 Umar vefâ cânâ
 Marîz-i ‘aşkuña gayr-ıla bir devâ olmaz
 O bir şifâ bulmaz
 Lebüñ şarâbı olur aña hoş devâ cânâ
 Bulur şifâ cânâ
 Senüñle hem-dem olub şol müdâm içen câm
 Bulur husûl-i merâm
İrer meserret o yüzden tamâm aña cânâ
 Sürer safâ cânâ
5 Seni bu hüsn ü cemâl-ile gördi göreli tâ
 Mahabbet itdi saña
 Bu Nazmî her dem okur medh-ile senâ cânâ
İder du’â cânâ
 
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr