541
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Nûş kılsam bâde-i gül-nârı her gün her gice
Oda yaksam câme vü destârı her gün her gice
Müşterî olsam metâ‘-ı hüsn-i bî-hemtâsına
Eylesem dildâr ile bâzârı her gün her gice
Gülşen-i kûyından ol gül goncesinüñ zâgveş
Seng-i ta‘num uçurur agyârı her gün her gice
Degme derd ile yıkamazdı irüp top-ı ecel
Yapsa göñlüm ol cefâ mi‘mârı her gün her gice
Devr ider câm-ı meyâsâ bezm-i ehl-i dilleri
Ravziyâ eş‘ârımuñ tûmârı her gün her gice
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
