300
Mefâ‘îlün Mefâ‘îlün Mefâ‘îlün Mefâ‘îlün
1 Musavvir zülfin ol şûhuŋ ki tasvîr içre göstermiş
Dil-i dîvâne-i ‘uşşâkı zencîr içre göstermiş
2 Esîrân-ı büt-i hicrânı itmiş aŋa dil-teşne
O kim âb-ı revânı cûy-ı şemşîr içre göstermiş
3 Hemân sîm ü zerüŋ te’Sîrin itmiş tîz-ter tahkîk
Husûl-i vasl-ı yârı ol ki teshîr içre göstermiş
4 Şikârı dâma düşmiş gösterüp nakkâş san‘atla
Dil-i zârı ham-ı zülf-i girih-gîr içre göstermiş
5 Ruh-ı yâr üzre târ-ı zülfini telmîh-i kasd itmiş
O kim mûy-ı siyâhı kâse-i şîr içre göstermiş
6 Suhan-sencân-ı pîşîn görmemişdür hv(â)bda SÂKIB
O hüsn âyîne-i tab‘uŋ ki ta‘bîr içre göstermiş
Dr. Mehmet KIRBIYIK, KÂTİB-ZÂDE SÂKIB DÎVÂNI, https://ekitap.kulturturizm.gov.tr/Eklenti/10622,katibzade-sakibpdf.pdf?0
