Mef‘ûlü Fâ‘ilâtü Mefâ‘îlü Fâ‘ilün
                                                           
1 Murg-ı dili o şûha nisâr itmek isterüz
 ‘Usfûr ile hümâyı şikâr itmek isterüz
 
2 Bî-behreyüz neşât-ı cihândan o denlü kim
 Hamyâze ile def‘-i humâr itmek isterüz
 
3 Rengîn terânemüzle hınâdan kalur mıyuz
Mazmûn-ı bikri beste-nigâr itmek isterüz
 
4 Bî-hûde gezmeden ne biter gird-bâdveş
Bir yerde serv gibi karâr itmek isterüz
 
5 Dildâra âh u nâlemüz Âgâh geçmedi
Müflislerüz hevâ ile kâr itmek isterüz
 
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,