158.
. - - - / . - - - / . - - - / . - - -
1.Murasa‘ kabzalı hançerle bir zahm ursa cânânum
Bir avuç gevher ihsân eylemişce hazz ider cânum
2.Döner bir nev-şükufte goncaya şâh-ı gül üstinde
Elinde tâze yanmış lûle tutsa verd-i handânum
3.Duhân içdükce nola istesen cânânuñ agzından
Bañ nez-zen bakışlarla bakar ol şâh-ı hûbânum
4.Sarılmış kaddine başdan ayaga zülf-i hem-der-ham
Hemân zencîrli serve dönmiş ol nahl-ı hırâmânum
5.‘Atâyî gûyiyâ la‘lîn-kabâdur kalb-i hûnînüm
Okur ezber o şâha kıssa-ı âlâm-ı hicrânum
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
