-319-
Mefâ`îlün Mefâ`îlün Mefâ`îlün Mefâ`îlün
 
1 Murâdum bu ki göñlüm mürşîd-i `aşka mürîd olsun
 Yolında cânumuz ol şâhid-i cânuñ şehîd olsun
2 Degülse nükte-i râz-ı femüñ künhiyle mefhûmum
 Vefâ-yı dil-berân-âsâ vücûdum nâ-bedîd olsun
3 Meger kim sâye-i perr-i hümâdur zülf-i şeb-rengüñ
Şeh-i mülk-i gam eyler bendeñi ömrüñ mezîd olsun
4 Vefâ sende mürüvvet sende ihsân u sahâ sende
`Alî bâlum seni her kim ki sevmezse Yezîd olsun
5 Ziyâ’î gibi da`vâ-yı mahabbet eyleyen `âşık
 Vusûl-i vuslat-ı yârı unutsun nâ-ümîd olsun
 
 
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ