Murabba’
Fâ’ilâtün/ Fâ’ilâtün/ Fâ’ilâtün/ Fâ’ilün
Remel: - . - -/ - . - -/ - . - -/ - . –
1 Şöyle te’sîr itdi kim ‘aşkun efendim cânuma
La’l-i meygûnun gamıyla çıkmadum mey-hâneden
Bir nifâk-âmîz söz mi didiler sultânuma
Bu tegâfül bu tecâhül bu cefâ âyâ neden
2 Gûş idüp insâf idersen var huzûra bir sözüm
Hâk-pây-ı pâkine ferş iderek cânâ yüzüm
Hasretünle giryenâk olmakdadur iki gözüm
Fark olınmaz eşk-i hûn-âlûd ile peymâneden
3 Yog imiş hîç rahm u şefkat u [lutf] vâh vâh
Merhametle itmedün efgendene bir kez nigâh
Derd-i hicrânunla bak işte seçilmez oldum âh
Vâdi-i ‘aşkunda zencîrün sürer dîvâneden
Perçemün ey murg-ı pervâzî-i kalbün lânesi
Kendi hâlün şem’-i hüsnün olsa da pervânesi
İ’timâd it kavlüme ey Yâver'ün cânânesi
Kalmazam nâr-ı gamunla yanmada pervaneden
Dr. Kaplan ÜSTÜNER, ENDERUNLU HASAN YÂVER DİVAN [İnceleme-Metin-Çeviri-Dizin], https://ekitap.kulturturizm.gov.tr/Eklenti/10608,enderunlu-hasan-yaver-divanipdf.pdf?0
