Harfü’ş-şın
76.
..-- / ..-- / ..-- / ..-
Muntazır makdemüñe ehl-i dil ey kahve-furûş
Suna fincânı tolu kahve ile eyleme boş
Dil-i yârâna şitâb ile yitişdür lutf it
Olmadan bâr-ı humâr ile melûl medhûş
Nice kahve o siyeh-fâm-ı Yemen mevlidi kim
Getürür bûyı ölisi dile mânend-i Sürûş
Çîn-i dâd-ı ezel-i pend marâ üstâdem
Mahremet duhter-i rez nîst hem-ân kahve be-nûş
46
Baña devr irdügi dem gadr-i ta‘alluk itmeyem
Çekerüm ben de cemâ‘at gibi pür-cûş u hurûş
Kahveci-zâde bu şeb bizlere hem-râz oldı
Egilince öñüme agzına tutdum ben gûş
Şûr-ı gavgâ ile pür mey-gede Nâ’ib hazer it
Cây-ı âsûde dilerseñ seheri kapuya düş
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
