Mefâ‘ilün Fe‘ilâtün Mefâ‘ilün Fe‘ilün(1)
1. Müjeñde katlüm içün tîg-ı cân-sitân görinür
Gül-i ruhuñ varakında hat-ı emân görinür
2. Müje hadengini irgürdi menzil-i kavse
Egerçi tîr-i kemân-dârı nâ-tüvân görinür
3. Kaşuñ hevâsına itse hümâ-yı dil pervâz
Hilâl-i deşt-i sipihr üzre üstühân görinür
4. Tılısm-ı ejder-i zülfüñ sabâ şikest itse
‘Akîk kufl ile gencîne-i nihân görinür
5. Ne hâli var yine Emrî ‘aceb zen-i çarhuñ
Ki subh u şâm anuñ dâmeninde kan görinür
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
