MUHAMMES
1
Fe‘ilâtün/ Mefâ‘ilün/ Fe‘ilün
‘Asker irmez himmet-âsâr
Kal‘a-i kûhsârı itdi hisâr
Oldı bâd-ı sabâ şükûfe-nisâr
Ravzalarda kurıldı ebr-i bahâr
Sâkıyâ ‘âlemüñ güzelligi var
Yumaga gam gubârını mül ile
Bâga vardukca yer yüzi gül ile
Bir lebi gonca zülfi sünbül ile
Ney ne lâzım sadâ-yı bülbül ile
Göñlün egler çemende ‘âşık-ı zâr
Şu ki ‘ışkıle ‘âleme toldı
Yüzi berg-i hazîn gibi soldı
‘Âkıbet matlabına yol buldı
Himmetüñde yeli yelken oldı
N’ola âhum felekde kılsa karâr
Oldı fürkat tarîk-ı vuslata sedd
Yüri havf itme kıl bu pendi sited
Muttasıldur kabûle âhir red
Salınup nâz ile o bâlâ-kadd
Serv-i gülzâra ögredür reftâr
Leb-i âb-ı revân u sâye-i bîd
Mâh ürd-i behişt u rûz sa‘îd
Mey müheyyâ elüñde ferd u vahîd
Otururken Behiştiyâ nevmîd
Hoş saâdet degül mi makdem-i yâr
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/Eklenti/10597,behistipdf.pdf?0
