19.
. - - - / . - - - / . - - - / . - - -
1.Muhabbet olmasa meyden gelür mi câna germiyyet
Ki âteş yanmasa şem‘ ile bulmaz hâne germiyyet
2.Bu bâzâr ile ancak üstine düşmekle aldandı
Metâ‘-ı vaslı şem‘e gösterüp pervâne germiyyet
3.Şarâb-ı bezm şevkinden meger bir kâse kaldurdı
Neden düşdi bu deñlü mihr-i nûr-efşâna germiyyet
4.Geçüp şâdî vü gamdan sogumışdı cümle ‘âlemden
Teb-i ‘aşkuñla buldı bu dil-i dîvâne germiyyet
5.‘Atâyî tâb-ı mey pîr-i mugânı nev-civân itmiş
Ki elde âteşîn-meyle satar yârâne germiyyet
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
