MU’AŞŞER
fâ’ilâtün fâ’ilâtün fâ’ilâtün fâ’ilün
1
Matla’-ı ebrûların tahmîs ü tanzîr eyledük
368
Makta’-ı medhiyyesin tîg ile tahrîr eyledük
‘Âkıbet kesdük ümîdi sell-i şemşîr eyledük
Bunca demler bilmedük bî-hûde teéhîr eyledük
Âteş-i hicrâna bu vech ile tedbîr eyledük
Âh-ı serd ile sogutduk cânı dil-gîr eyledük
Teşnegân-ı ‘aşkı eşk-i çeşm ile sîr eyledük
Nâle-i pür-sûzumuzla çünki söz bir eyledük
Şerhu mâ-fi’l-bâlimüz biñ dürlü ta’bîr eyledük
Yana yana derdümüz ol şâha takrîr eyledük
2
Çok recâlar eyledük ol mâh-ı evc-i rif’ate
Hiç biri gûş-ı kabûle girmedi bak hikmete
Şeb-nem-i eşki nisâr itdük düşüp mahviyyete
Olmadı vâsıl biri ol mihr-i burc-ı nahvete
Gelmedi îmâna insâf itmedi bu fürkate
Geldi gitdükçe metânet müslümân-ı gayrete
İtmek içün hüzn-i dil-teésîr o Yûsuf-tıynete
İrdi çâk-i dâmen-i efgân u nâle gayete
Ol meh-i Ken’ân alışsun diyü ders-i mihnete
Âyet-i mahzûnî-i Ya’kûb’ı tefsîr eyledük
3
Eylemezse cebr-i hâtır ol meh-i pür-şîvemüz
Gâéib olur kesret-i mazlûmdan kûyında iz
Bak neler söyler ne rüéyâlar sayıklar bendeñüz
Tavr-ı toy-ı hışm ile olsun hele göñlüm matiz
Hey mürüvvetsüz hakîkatsüz vefâsuz va’desüz
V’ey fedâkâr u dil-âzâr u filân ü fertekiz ?
Sen serây-ı kalbümüz itdüñ harâb ammâ ki biz
Hep harâbât ehlini âbâd idüp yapmakdayuz
Göñlümüz yeksân-ı hâk itmekle eksildi nemüz
Nukzı ile çok dil-i vîrânı ta’mîr eyledük
4
Kâkül-i Leylîden âgâz eyleyüp efsâneye
Geldi söz gâhîce şem’e gâhîce pervâneye
Eyledük ‘atf-ı sühan Mecnûn’a andan lâneye
Hâr u has gül diyerek vardı saded cânâneye
Âşinâlık riştesin rabt itdük ol bîgâneye
Varduk âhir sûfiyâne tarz ile mey-hâneye
Gerçi yârân didiler pür-gû dil-i dîvâneye
Bilmediler kîl ü kâlüñ aslını ammâ neye
Beñzedirlerdi yine etvârımuz ferzâneye
Bahs-i zülf-i yâri ammâ biz de zencîr eyledük
5
Bindi bir deste gül-i hod-rû alup zevrakçeye
369
Hem piyâle hem hum-ı memlû alup zevrakçeye
Kendi gibi bir iki bed-hû alup zevrakçeye
Ââlibâ bir de büt-i pür-gû alup zevrakçeye
Böyle söyler Gâlib’e karşu alup zevrakçeye
Meh-cebînüm sizlere yâ hû alup zevrakçeye
Dün gice Keşmîrî bir meh-rû alup zevrakçeye
Hâl-i rûyından da bir Hindû alup zevrakçeye
Şöyle esmer bir hilâl-ebrû alup zevrakçeye
Sâyesinde Pertevâ meh-tâb-ı Keşmîr eyledük
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0
