67
Mefâ‘îlün mefâ‘îlün mefâ‘îlün mefâ‘îlün
1 Mizâcıma benim her dem o şûhuñ meyli nâfi‘dür
Devâ-yı gayre meyl itmem devâ-yı aslî nâfi‘dür
2 Niyâz itmekden ise hâceti der-bâna lâ-pervâ
Varup dâmânına tenhâ yapış kim zeyli nâfi‘dür
3 Aradık çok terâkîb ü ma‘âcîn bulmadık nef‘in
Mizâc-ı âdeme sabr u sükûnet hayli nâfi‘dür
4 Bilürse ‘ilm-i nabzı ger devâya tâlib ol yohsa
‘İlâcından tabîb-i nâ-şinâsıñ kavli nâfi‘dür
5 Göñül virmekden ise ihtişâm-ı dehre ey Sıdkî
‘Abâ-yı şâl ile bir lokma nânıñ nevli nâfi‘dür
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
