603
Fe‘ilâtün/ Fe‘ilâtün/ Fe‘ilâtün/ Fe‘ilün
Görmege hancer-i cânânı idüp ikdâmı
Zâhidâ başuñ içün kılma bize ibrâmı
Câm-ı mey nûş idelüm ey büt-i tersâ beri gel
Görmek istersen eger sen de bizüm bayramı
Gelseñ ahşamlamaga ey meh-i nev bir gün eger
Şevkdan tutar idüm subha bedel ahşâmı
Mısr’ı terk eyleyelüm gel beri ey la‘li şeker
Varalum seyr idelüm yâ Haleb’i yâ Şâm’ı
Yâd idüp la‘l-i leb-i yâri müdâm ey Ravzî
Bâde nûş eyleyelüm geldi bahâr eyyâmı
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
