Mefâ`îlün mefâ`îlün mefâ`îlün mefâ`îlün
1 Misâl-i çeşm-i fettânı ol âfet fitne-cûy oldı
Gül-i ra`nâ gibi her yana yüz tutdı dü-rûy oldı
2 Nesîm-i nev-bahârî de haberdâr gibi zülfinden
Mu`attar kıldı âfâkı sehergeh müşg-bûy oldı
3 Didüm sagr-ı melâhatde konulmış topdur gûyâ
Dehânunla lebün hâlinde çünkim güft ü gûy oldı
4 Saçundan bâgbân bulmayıcak bir şemme kahrından
Nigâr-ı gülşenün sünbülleri ey mâh rûy oldı
5 Nola âşüfte-dil Yahyâ girerse hâlden hâle
O mâhun zülfi çevgân hâl-i `anber-bûyı gûy oldı
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
