588
Mef‘ûlü/ Fâ‘ilâtün/ Mef‘ûlü/ Fâ‘ilâtün
Bezm-i mahabbet içre ‘âşık n'ider çerâgı
‘Âşıklaruñ dilinde dâ'im yanar çerâgı
Mihrüñ gamına düşüp ey meh seni ararlar
Mihr ile mâh anuñçün turmaz yakar çerâgı
Dil ârzû-yı bûse itse ne tañ ruhuñdan
Pervâneler nigârâ zîrâ öper çerâgı
Mihrüñ ziyâsı her gün âfâkı rûşen eyler
Mihr-i ruhuñdan ey meh yakar meger çerâgı
Pîr oldugumca şevkum oldı benüm ziyâde
Ravzî cihânda hergiz söyünmez er çerâgı
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
