Fâ`ilâtün fâ`ilâtün fâ`ilâtün fâ`ilün
1 Mihrbânlık gördi hûrşîd-i cihân-efrûzdan
Germ olup bülbül nevâya başladı nev-rûzdan
2 Gonceler açılsa da görsek mahabbet âteşin
Var mı bir dil kim ola hâlî bu demde sûzdan
3 Sûzen-i dil-dûz-ı gamzen geçdi câna gerçi kim
Geçmedi cân riştesi ol sûzen-i dil-dûzdan
4 Gamze-i câdû-yı dil-berde ne tâkat var idi
Fitneler ögrenmese ol çeşm-ı sihr-âmûzdan
5 Meş`al-i gül şevkine seyr idegör şeb-tâ-seher
Giceyi fark itmek olmaz şimdi Yahyâ rûzdan
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
