Mihr-i tâbende yüzüñ mihrine tâ bende degül
Mâh-veş mihrüñile rûşen ü tâbende degül
Nice nisbet ideyin serve senüñ kâmetüñi
Kâmetüñ kimi senüñ serv hoş-âyende degül
Diridüm piste dehânuña senüñ piste velî
Şehd-âmîz ü mey-âlûd u şeker-hande degül
İy perî-rû ne beşersin ‘acabâ sencileyin
Uçmaguñ hûrîsi ferruh-ruh-ı ferhunde degül
Felegüñ mihri mehâ mihr-i ruhuñ kimi senüñ
Rûşenî-bahş-ı dirahşende vü rahşende degül
Beñlerüñ kimi kaçan cem’ olısar her kisenüñ
‘Anber iñende saçuñ kimi perâkende degül
apamaz Rûşenîyi her ki senüñ mihrüñile
Âsmânı dilinüñ rûşen ü tâbende degül
