612
Mef‘ûlü/ Fâ‘ilâtü/ Mefâ‘îlü/ Fâ‘ilün
Etrâf-ı verdi tutdı hezâruñ sadâları
Cem‘ oldı yanına yine şâhuñ gedâları
Mihr-i felek tolandı kamer oldı münhasif
Yiryüzinüñ zuhûr ideli meh-likâları
Şeh-bâz-ı tîr-i gamzesi dil murgın itdi sayd
Ebrûlarınuñ aldı beni yay-karaları
Fülk-i melâmet içre bulurduk selâmeti
Bahr-ı felâketüñ görineydi karaları
Öli dirili hâzır olurduk namâzına
Ravzî eger virilse rakîbüñ salâları
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
