88
Mefâ‘îlün Mefâ‘îlün Mefâ‘îlün Mefâ‘îlün
1 Hilâl-ebrû puserlerle olur zeyni bu dünyânuñ
Belî genc iledür güzelligi kandaysa vîrânuñ
2 Yolında sâye gibi olmayınca hâk ile yeksân
İrimez ayagına kimse ol serv-i hırâmânuñ
3 Egerçi kirpügüñ âfet geçer cân u dil almakda
Ser-i zülfüñ de öte ucıdur ey dost fettânuñ
4 Mezârı taşları ehl-i kubûruñ bagladı saflar
Namâzın kılmaga cân virenüñ ‘ışkıyla cânânuñ
5 Felek encümle bir tâvûsdur cevlân ider Sun‘î
Dem-â-dem rif‘ati bâgında ol sultân-ı devrânuñ
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
