408
Mef‘ûlü Mefâ‘îlün Mef‘ûlü Mefâ‘îlün
1 Meyl itmedi bu hâke ol serv-i hırâmânum
Ser-keşlige yüz tutdı gide gide cânânum
2 Bir hayme-i âteş-reng olsa ne ‘aceb gerdûn
Direk direk olmışdur dûd-ı dil-i sûzânum
3 Oldı eSer-i mühri hurşîd gibi zâhir
Yek-reng olalı subha sad-pâre girîbânum
4 Gam-dîdeleri görmez bir rûy-ı dil ol mehden
Âyîne olur gayra dâ’im aŋa hayrânum
5 Kaldı ser-i kûyında hâk oldugı ‘uşşâkuŋ
Dâd eylemedi gitdi ol server-i hûbânum
6 Peymâne-i hurşîdi ger bulsa şikest eyler
Nev-tevbe-i sahbâdur ol âfet-i devrânum
7 Mânende-i cân u ten düşmenle olur yek-reng
Dil-mürdeleri SÂKIB dirse aŋa gel cânum
Kırbıyık, Mehmet. Kâtib-zâde Sâkıb Dîvânı. https://ekitap.kulturturizm.gov.tr/dosya/1-275466/h/katibzade-sakib.pdf [erişim tarihi: 01.05.2013]
