45876
mefâ‛îlün mefâ‛îlün mefâ‛îlün mefâ‛îlün
1 Meyiñ kürsîde vâ‛iz rinde ragmen hürmetin söyler
Ne hikmetdir kızınca kellesi hâsıyyetin söyler
2 İnanma dil savaşdım derse hasm-ı ‛aşkla zinhâr
Mücerrebdir ki lâf erbâbı dâ’im kuvvetin söyler
3 Sebû-yı pür-sadâ vermez tehî hum-sâzdan kalmaz
Yesârıñ ketm eder mâl ehli müflis devletin söyler
4 ‛Adûdan intikâm almakda ‛âkıl sırrın etmez fâş
Fe-emmâ sâde diller intizâr-ı fursatın söyler
5 Degil makbûl anıñçün kavli mey-hârıñ şehâdetde878
Ki duht-i rez gibi bir hum-süvârıñ ‛ismetin söyler
6 Mezâyâ-yı umûra nâ-resâdır zihn-i nâs ekser
Hemân meclisde her kes nakd-i fehm ü fikretin söyler
7 Bakan nûr-ı vücûd-ı zîr ü bâlâya bilir kim hep
O mâhıñ mâhdan mâhîye dek mâhiyyetin söyler
8 Lebîbâ her gelen sûdâgerân-ı bender-i ‛irfân
Metâ‛-ı nazmına erbâb-ı tab‛ıñ ragbetin söyle
Kurtoğlu, Orhan (2004). Lebîb Dîvânı (İnceleme-Tenkitli Metin- Sözlük). Doktora Tezi. Ankara: Hacettepe Üniversitesi. 567
