Mey midir ruhsârını mihr-i dırahşân eyleyen
La‘lini sâgar mıdır kân-ı Bedahşân eyleyen
2. Her bün-i mûyumda bin zahm-ı nihan derc eylemiş
Tîg-ı gamzen beyzâ-yı çeşm içre pinhân eyleyen
3. Türk-tâz-ı çeşm-i pür-kârın mıdır zâlim senin
Böyle mülk-i hüsnü yek-ser kâfiristân eyleyen
4. Şâm-ı gamda hasret-i zülfün değil mi âşıkın
Hâbını çün turra-yı sünbül perîşân eyleyen
5. Eylemiş sad gerdiş-i gâretger-i sad mülk-i hûş
Bezm-i hüsne çeşm-i gül-gûnun kadeh-rân eyleyen
6. Yine hem-çün gonca bir pâkîze nazm-ı tâzedir
Andelîb-âsâ Nedîmâyı gazel-hân eyleyen
MACİT, Muhsin, Nedîm Divanı, Akçağ Yayınları, Ankara 1997.
https://ekitap.kulturturizm.gov.tr/Eklenti/10635,nedim-divanipdf.pdf?0
