597
Mef‘ûlü/ Fâ‘ilâtün/ Mef‘ûlü/ Fâ‘ilâtün
Gâh eksilür geh artar ey dil kamer çerâgı
Hikmet nedür ki mihrüñ her gün yanar çerâgı
Mey-hâne kûşesinde pîr-i mugândan ögren
Ey zâhid-i murâyî sen de uyar çerâgı
Men‘ itme ehl-i şevki seyr-i ruhuñdan ey meh
Devr eylesün dem-â-dem pervâneler çerâgı
Eksilmez idi zâhid şevkuñ cihânda her-giz
Mey-hâneden yakayduñ sen de eger çerâgı
Ravzî göñülde şevkum eksilmese ‘aceb mi
Zîrâ ki anda mihr-i dil-ber yakar çerâgı
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
