95
(Mefâîlün Mefâîlün Mefâîlün Mefâîlün)
1 Mey-âşâm-ı tarab bezm-i cihânda Cem yerin tutmaz
Gönül her kâleb-i nev-i beşer Âdem yerin tutmaz
2 Akıt pâyine ol servin sirişki sana bend olsun
Zemîn-i perverişde bir fidân bî-nem yerin tutmaz
3 Olur nâm-âverân pertev-fürûz-ı devlete gâlib
Nigîn-i elmâs olursa safhada hâtem yerin tutmaz
4 Bulur pertev-pezîr-i cezbe rif’at kalmaz esfelde
Tulû-ı mihr-i âlem-tâbda şebnem yerin tutmaz
5 Nigâh etme zen-i dehre bırak tûl-i emel kaydın
Safâ-yı turre-i zülf-i zenân perçem yerin tutmaz
6 Revâ mı câ-nişînim eylemek âdâyı sultânım
Bilirsin Haşmetânın sevdiğim âlem yerin tutmaz
Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ
