FāǾilātün FāǾilātün FāǾilātün FāǾilün
1 Mest-i Ǿaşķ itdi bizi ruĥsāresi bir kimsenüñ
Bādeye olmış bedel nežžāresi bir kimsenüñ
2 Śormaġa ĥācet mi var ĥāl-i dil-i āvāresin
Hem-demį hem oldıġum ġam-ħvāresi bir kimsenüñ
3 Rūyına ħaŧ geldi ķaldı dest-i derhemsün tehi
Oldı kesbį el kiri yüz ķarası bir kimsenüñ
4 Tįr-i ġamzeñ zülf-i müşg-bank ile bend itdüñ meger
Kim oňulmaz ħayli demdür yāresi bir kimsenüñ
5 Ħāl-i ruĥsār-ı Ǿaraķ-rįzinden añla ŧāliǾüm
Nicedür gör ŝābit ü seyyāresi bir kimsenüñ
6 Yoluña śarf itdigüm hep naķd-i eşk-i dįdedür
Var mıdır ey meh içinde pāresi bir kimsenüñ
7 Göñlümi aldı ŧopuzla Ĥāmiyā bir şeh-süvār
Zaħm-dār itdi beni ġaddāresi bir kimsenüñ
KAYNAK: Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017
