Meŝnevį-yi Yaĥyā Derna't-ı Ĥażret-i Muĥammedü’l-Hāşimi Aleyhi’s-Selām
MüfteǾilün / MüfteǾilün / FāǾilün
1. Śallu Ǿalā men hüve şemsi’đ-đuĥā
Śallu Ǿalā seyyidine’l-Muśŧafā
2. BāǾiŝ-i cemǾiyet-i ħalķ-ı cihān
Vāriŝ-i ħāśiyyet-i peyġamberān
3. Vāsıŧa-yı Ǿışķ-ı cemāl-i celįl
Rābıŧa-yı źevķ-i viśāl-i cemįl
4. Maħzen-i esrār-ı Ǿalįm ü ĥekįm
Gülşen-i envār-ı kerįm ü raĥįm
5. Server-i aśĥāb-ı mülk-i maǾdalet
Rehber-i aĥbāb-ı felek-menzilet
6. ǾĀleme sulŧān-ı kerįmü’l-ĥıśāl
Ādeme bürhān-ı Ǿadįmü’l-miŝāl
[102a] 7. Maķśad-ı aķśā-yı śaġįr ü kebįr
Mesned-i iķvā-yı faķįr ü emįr
8. Maġfiret-i ümmete dāǾįdür ol
Merĥamet-i keŝrete sāǾįdür ol
9. Ümmeti cümle ümemüñ serveri
Himmeti ehl-i keremüñ şehperi
10. Keŝret-i noķśānımızuñ Ǿārifi
Žulmet-i Ǿıśyānımızuñ vāķıfı
11. ŚāniǾ-i tertįb-i śalāt-güzįn
MāniǾ-i āsįb-i Ǿuśāt-ı zemįn
12. Aĥsen-i ādem ĥasen-i enbiyā
Seyyid-i Ǿālem sened-i aśfiyā
13. Server-i aśĥāb-ı ser-i Ǿāşıķįn
Pįşrev ü ķāfile-yi ehl-i dįn
14. Bedr-i dücā nūr-ı çerāġ-ı vücūd
Dürr-i yetįm-i śadef-i baĥr-i cūd
15. Kendüye Ǿāşıķ olanuñ Ǿāşıķı
Ĥaķ sözinüñ śādıķı vü nāŧıķı
16. YaǾni nebiyyü’l-ǾArabi ve’l-ǾAcem
Aĥmed ü Maĥmūd-ı şefįǾü’l-ümem
17. Nūr-ı nübüvvet gezüp enhārvār
Eyledi źātı deñizinde ķarār
18. Oldı elif gibi o kān-ı śafā
Fātiĥa vü ħātime-yi enbiyā
19. Muśĥafı derhādi-yi rāh-ı necāt
Her varaķı ümmetine ķol ķanāt
20. Merkez-i Ǿālem güher-i ħilķati
Devr-i felek dāǿire-yi Ǿizzeti
21. Ĥażretidür cevher-i cāna sebeb
Cān degül esbāb-ı cihāna sebeb
22. Cūş u ħurūş eyledi deryā-yı nūr
Evvel-i mevcidür o žıll-ı ġafūr
23. Tañrı bir ammā ki ķulı bįşümār
Baĥr bir ammā ŧalazı śad hezār
24. Mevci anuñ gerçi ki bisyār olur
Biri yoġ olursa biri vār olur
25. Gördi çü dįdārını Ǿayne’l-yaķįn
Aña yaķįn oldı hemān Ǿāşıķįn
26. Nāķası gūyā cebel-i Ŧūr idi
Kendü ser-i Ŧūrda bir nūr idi
27. Ol elif-i źāta hezār āferįn
Evveli vü āħiri bālā-nişįn
28. Arż-ı muķaddes ķademinden celįl
Dāmen-i ķadrinde ġubār-ı ķalįl
29. Nām-ı şerįfini Ħudā-yı muǾįn
Eyledi dil ķuflına miftāĥ-ı dįn
30. Sözleri esrār-ı vücūd-ı Ǿadem
Ħāŧırı levĥ idi lisānı ķalem
31. Göñli kitābından iderdi abā
Ķılmaz idi rūy-ı beyāżı ķara
32. Şāhid-i maǾnaya urup silsile
Mültefit olmadı ħaŧt-ı müşkile
[102b] 33. Çekmezidi anuñ elinden elem
Levĥ ü ķalem her ümem-i muĥterem
34. Pįş-i ĥużūrında maĥall-i śuǿāl
Nice kelįm oldı ķalem gibi lāl
35. Böyle degüldür ki ķalem žāhirā
MaǾrifeti ķuflına miftāĥ ola
36. Nāme-yi ķudretdür o źāt-ı şerįf
Ħāme-yi ĥikmet bu beyān-ı laŧįf
37. Levĥ-i felekde ķameri nāgehān
Çaldı benān-ı elifiyle Ǿıyān
38. Rişte-yi tesbįĥi süvār-ı śalāĥ
Mūcib-i Ǿizzet sebeb-i iftitāĥ
39. Rūĥına ol ħūşe-yi bāġ-ı śafā
Śubĥ u mesā bir bir olurdı ġıdā
40. İnnehu hüve’s-senedü’ś-śādıķįn
Ħizmetine maġfiretü’l-Ǿāşıķįn
41. Ħāl-i ruħ-ı dįn-i güzįn Bilāl
ǾĀşıķ-ı Ĥaķ nāžır-ı ħayru’l-maķāl
42. Çār Ǿanāśır gibidür çār yār
Her birinüñ bir şeref-i ķadri var
43. Oldı Resūle bu çehār güzįn
Hemdem ü hemrāz-ı žahįr ü muǾįn
Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012
Taşlıcalı Yahya Hayatı ve Edebi Kişiliği
Gencine-i Raz Mesnevisi Taşlıcalı Yahya
Taşlıcalı Yahya Yusuf u Züleyha Mesnevisi
Taşlıcalı Yahya Şah u Geda Konusu Hakkında Bilgiler
Kitab-ı Usul ile Edirne ve İstanbul Şehrengizleri Taşlıcalı Yahya
Taşlıcalı Yahya Seçilmiş Şiirleri
Taşlıcalı Yahya Şah u Geda Mesnevisi Hakkında ve Özeti
Şah u Geda Özetleri Bursalı Rahmi Taşlıcalı Yahya
Taşlıcalı Yahya Gülşen- i Envar ( Alıntılar Özet ve Hakkında Bilgile
