Meŝnevį-yi Yaĥyā Derna’t-ı Ĥażret-i Muĥammedü’l-Arabį Aleyhi’s-Selām
FeǾilātün / FeǾilātün / FeǾilün
1. Fuķarā leşkerinüñ serdārı
Ġurebā kişverinüñ sālārı
2. Ādemüñ cānı cihānuñ ħānı
Mülket-i faķr u fenā sulŧānı
3. Evvel-i mevc-i muĥįtü’l-esrār
Āħir-i nevǾ-i nebiyyü’l-muħtār
4. Noķŧa-yı dāǿire-yi kevn ü mekān
Mefħar-ı cān u ser-efrāz-ı cihān
5. YaǾni sulŧān-ı ǾArab şāh-ı ǾAcem
MaǾden-i luŧf u himem kān-ı kerem
6. Aĥmed-i Mürsel ü eşrāf-ı enām
Mesned-i cümle-yi aśĥāb-ı kirām
7. Cismünüñ cilvegehi Ǿarş-ı Ǿažįm
İsminüñ münteħabıdur ĥā mįm
8. Māsivānuñ sebeb-i raĥmetidür
Ĥaķ bu kim ħalķ-ı cihān devletidür
9. Eyleyüp niǾmet-i İslāmı murād
MuǾcize istedi çün ehl-i Ǿinād
10. Parmaġınuñ elifiyle ol cān
Ķurś-ı māhı iki şaķķ itdi hemān
11. Adına çünki Ħudā ķıldı ķasem
Başına and içer oldı Ǿālem
12. N’ola bįžıll ise ol žıll-ı Ħudā
Sāyenüñ sāyesi olmaz zįrā
13. Ķılsa iksįr-i nübüvvetle nažar
Ŧopraġı eyler idi şems ü ķamer
14. Levĥ-i Maĥfūž idi göñli pinhān
Ķalem-i ĥikmeti aġzında zebān
15. Burc-ı Ǿālemde odur şems-i ķadįm
Dürc-i ādemde odur dürr-i yetįm
16. Źātıdur melce-yi aśĥāb-ı śafā
Kūyıdur KaǾbe-yi erbāb-ı vefā
[101b] 17. Niçe mānend ola Mūsāya Resūl
Ĥaceri elde Kelįm eyledi ol
18. ŹįsaǾādet ki śadāķatla Mesįĥ
Cān virür ümmeti olmaġa śaĥįĥ
19. Bir degül mertebede eyle nigāh
Ol Ĥabįbullah ile Rūĥullāh
20. ǾĀşıķa sevdügi cāndan yegdür
Cān degül iki cihāndan yegdür
21. Farķı Yūnusla anuñ beyne’n-nās
Māhdan māhiye dek eyle ķıyās
22. Yüzi śuyına anuñ ol Ġaffār
Eyledi nārı Ħalįle gülzār
23. Nice hādį gibi Nūĥa meŝelā
Nūrı olmışdur anuñ rāh-ı aǾlā
24. Enbiyādan o Resūl-i Mürsel
Śoñradan geldi ise daħı güzel
25. Böyledür ķāǾide-yi nevǾ-i beşer
Şāh olan śoñra gelür śadra geçer
26. Ķadr-i Ǿunvān ile ol şāh-ı kerįm
Oldı dįvān-ı risāletde muķįm
27. Enbiyā silkine oldur maŧlaǾ
MuǾcize nažmına oldı maķŧaǾ
28. Hemdemi oldı Ebū Bekr-i Velį
Ömer ü Ĥażret-i ǾOŝmān u ǾAlį
29. Nitekim var ola bu ķayd-ı ĥayāt
Ravża-yı pākine olsun śalavāt
30. Āl u aśĥābına tā rūz-ı ķıyām
Olsun ikrām-ı tamāmile selām
31. Ey Ħudāvend-i RefįǾü’d-Derecāt
Eyle Yaĥyāyı ġarįķu’l-ĥasenāt
32. Raĥmete anı sezādār eyle
Göñlini maħzen-i esrār eyle
33. İşini başa ilet tāc gibi
Ķadre irgür şeb-i MiǾrāc gibi
Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012
Taşlıcalı Yahya Hayatı ve Edebi Kişiliği
Gencine-i Raz Mesnevisi Taşlıcalı Yahya
Taşlıcalı Yahya Yusuf u Züleyha Mesnevisi
Taşlıcalı Yahya Şah u Geda Konusu Hakkında Bilgiler
Kitab-ı Usul ile Edirne ve İstanbul Şehrengizleri Taşlıcalı Yahya
Taşlıcalı Yahya Seçilmiş Şiirleri
Taşlıcalı Yahya Şah u Geda Mesnevisi Hakkında ve Özeti
Şah u Geda Özetleri Bursalı Rahmi Taşlıcalı Yahya
Taşlıcalı Yahya Gülşen- i Envar ( Alıntılar Özet ve Hakkında Bilgile
