Meŝnevį-yi Nevǿį Derna't-ı Ĥażret-i Muĥammed Śallallāh u Aleyhi ve Sellem
 
FeǾilātün / MefāǾilün / FeǾilün
 
1. Sākin-i sāĥa-yı sarāy-ı ebed
YaǾni ser-ħayl-i enbiyā Aĥmed
2. Muķtedā-yı enām müfti-yi dįn
Ĥādi-yi reh-revān-ı mülk-i yaķįn
3. Şeb-i MiǾrācı rūz-ı ehl-i śafā
Ǿİlm-i efrāz-ı Ǿalleme’l-esmā
4. Berķ-i naǾl-i Burāķ-ı şemǾ-i sübül
Aña pervāne cemǾ-i rūĥ-ı rusül
5. ŞemǾ-i hādį idi Ǿasāsı anuñ
Sātirü’ź-źenb idi ridāsı anuñ
6. Nažar idüp televvüŝ-i ħāke
Śalmadı sāyesin o nāpāke
7. Olmadı yaǾni ol felek-pāye
Ķadr u rifǾatde ġayra hem-sāye
8. ǾArş idi çünki aña menzilgāh
Sāye-yi ebri n’eylesün ol māh
9. Pertevi nūrına getürmedi tāb
Aśdı mihrüñ yüzine perde seĥāb
10. Ķaddi beñzerdi serv-i āzāde
Sāyeveş pāy-māli seccāde
11. Sāye gibi o serve lāzım idi
Ayaġın öpmege mülāzım idi
12. Kef ü dest ü Ǿaśā-yı faħr-i cihān
Mihr ile şekl-i şaǾşaǾaydı hemān
13. Suħanı olmışidi vaĥy-ı Huda
Lebi Rūĥu’l-Emįn idi gūyā
 [89b] 14. Eyleyüp terk-i būstān-ı irem
Bāġbān oldı ol güle Ādem
15. Oldı bu bāġa ol gül-i maķśūd
Bülbül-i zārı Ĥażret-i Dāvud
16. ǾArşa ferşe ĥükūmeti sārį
Biñ Süleymān anuñ hevādārı
17. Luŧfı esdürmese nesįm-i fütūĥ
Bulmaz idi ħalāś keştį-yi Nūĥ
19. Oldı naħl-i nübüvvet ol bālā
Her nihāl anda bir kelįme Ǿaśā
20. Ana Mūsā çün ittikā itdi
Ĥaķ Ǿaśāsını ejdehā itdi
21. Resen olmasa nūr-ı mihri eger
İtmez idi Mesįĥ çarħı maķar
22. Cümleye gerçi źātı ħātimedür
Ġaraż ol ġayrılar muķaddimedür
23. Ne ķadar olsa yār ile śoĥbet
Meclisüñ āħirindedür vuślat
24. N’ola ħoş-bū olursa ger ezhār
Meyvedür çün murād-ı āħir-kār
25. N’ola ger evvel olsa berg-i şecer
Nāķıś olur mı hiç kemāl-i ŝemer
26. Çün dıraħt oldı meyveden žāhir
Meyve hem evvel oldı hem āħir
27. ǾĀķıbet ħayrın isteyen ümmet
Aña ümmet olup bulur devlet
28. Mihr dirsem Resūl lāyıķ idi
Aña Śıddįķ śubĥ-ı śādıķ idi
29. Dįn-i ĥaķ rūĥ-ı pāk idi meŝelā
Çār yār oldı çār Ǿunśur aña
30. Ħāne-yi dįne çār dįvārı
Yapdılar Aĥmed oldı miǾmārı
31. Çār dįvārı gerçi muĥkem idi
Lįk Śıddįķ rükn-i aǾžam idi
32. Niçe irsün Ǿimāretine żarar
Nāžır olmışdı aña Ǿayn-ı ǾÖmer
33. Ķılmaġa nūr-ı fażl ile rūşen
Mįm-i ǾOŝmān o ħāneye revzen
34. Şeh-i śaf-der Ǿaliyy-i Ǿālį-şān
Oldı ol dār içün der-i Ǿirfān
35. N’ola maǾmūr olursa hemvāre
Ķutlu ķapu açıldı ol dāre
36. İtdi her kim ki o ķapuda niyāz
Ķapuyı ŧuydı oldı maĥrem-i rāz
37. O ķapuda bu NevǾį-yi zārı
Seg-i derbān idinseler bāri
38. BaǾdehu ŧalǾat-i şeh-i firūz
Oldı ol dāre şemǾ-i ħāne-fürūz
 
 
Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012