Meŝnevį-yi Nābį Derna’t-ı Ĥażret-i Nebįyü’l-Ķureyşį Aleyhi’s-Selām
 
FeǾilātün / MefāǾilün / FeǾilün
 
1. Gele ey ħāme-yi şikeste-zebān
Vādi-yi naǾta ol birāz pūyān
2. Başla naǾt-ı Ĥabįb-i Raĥmāna
Źevķ-i vaśfıyla rūĥ vir cāna
3. Nāmını cevher-i zebān eyle
NaǾtın ārāyiş-i beyān eyle
4. YaǾni sulŧān-ı mürselįn Aĥmed
Bende-yi muķbil-i Ħudā-yı śamed
5. Maĥrem-i Hażret-i Ħudā-yı TeǾāl
Mažhar-ı ĥubb-ı Įzid-i MüteǾāl
6. Āħirįn-Ǿaśr [u] evvelįn-fıŧrat
Mühr-i ħoş-naķş-ı nāzenin-ħilķat
7. Śadr-ārā-yı ħāne-yi levlāk
Mest-i cām-ı ħiŧāb-ı erselnāk
8. Zįnet-efzā-yı gülşen-i Ǿālem
Bādi-yi ħilķat-i benį Ādem
9. Gül-i ħoş-būy-ı gülşen-i raĥmet
Serv-i ser-sebz-i ravża-yı ĥikmet
10. Naśś-ı rengįn-i ħātem-i tekvįn
ŞemǾ-i fānūs-ı āsmān u zemįn
11. Ehl-i Ǿıśyāna müttekā-yı ħalāś
Bezm-i ķurba nedįm-i ħāśu’l-ħāś
12. Zįb-i śadr-ı bisāŧ-ı Ǿālemdür
Evvelįn mevc-i baĥr-ı aǾžāmdur
13. Nāme-yi źātın idicek inşā
Aña mühr-i nübüvvet urdı Ħudā
14. İtdi ol mühr ile anı Ġaffār
Sūķ-ı ĥüsne meŧāǾ-ı ŧamġadār
15. Eylemişdür yaħūd Cenāb-ı Ġafūr
Źātını bir ħazįne-yi memhūr
16. Olıcaķ mįhmān-ı Rabb-i Celįl
Oldı pįşinde Cebraǿįl delįl
17. Süllem-i Ǿazmi oldı heft-felek
Ħāk-rūb-ı ŧarįķi ħayl-i melek
18. Źāt-ı pāki vücūda virdi nūr
ǾAdemi itdi sāyesi maǾmūr
19. YaǾni źāt-ı Muĥammedįden hem
Behredār oldılar vücūd u Ǿadem
20. Ey şehinşāh-ı enbiyā Ǿasker
V’ey zemįn-āşiyān u Ǿarş maķar
21. Dāver-i mülket-i şefāǾatsin
ǾĀleme raĥmet ü hidāyetsin
22. Eylemişdür müǿellif-i ķudret
Ħilķat-i kevne źātuñı Ǿillet
23. Nābį-yi ħaste bir faķįrüñdür
Silk-i ümmetde bir ĥaķįrüñdür
24. İşi hep cümle cürm ü Ǿıśyāndur
 Her zamān kārı sehv ü nisyāndur
25. Kendü taķśįr ü cürmi mūybemū
Defteri ħod günāh ile memlū
26. Şefķatüñ defterinden eyleme ĥak
Āl elin sāye-yi şefāǾate çek
27. İtmesün nār-ı ĥaşr āzürde
Olmasun berg-i cismi pejmürde
28. Daħı ey ħāme eyle medĥ ü ŝenā
Rūĥ-ı pāk-ı çihār yāre sezā
29. Cümleden biri yār-ı ġār Śıddįķ
Efđalü’n-nās Ĥażret-i Śıddįķ
30. Yār-ı ŝānįsi bāġ-ı Ǿadl-ŝemer
Serv-i būstān-ı şerǾ yaǾni ǾÖmer
31. Hem üçincisi Ĥażret-i ǾOŝmān
Śāĥibü’l-ĥilm ü cāmiǾü’l-Ķur’ān
32. Çārumįn-i yār-ı sāķį-yi Kevŝer
ĶāmiǾü’l-küfr Ĥażret-i Ĥaydar
33. Daħı ol iki merdüm-i dįde
Ol iki źāt-ı pāk-sencįde
34. Birinüñ nām-ı pāki oldı Ĥasan
Gülşen-i ķurba ġonca-yı aĥsen
35. Birinün şöhret-i şerįfi Ĥüseyn
Ĥażret-i Muśŧafāya ķurre-yi Ǿayn
36. Eyle bizden nice selām u ŝenā
Cümlenüñ rūĥ-ı pākine ihdā
37. Eyle ey ħāme-yi śabā-reftār
Rađıyallāhu Ǿanhümile ķarār
 
Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012