Meŝnevį-yi Fużūlį DernaǾt-ı Sulŧān-ı Enbiyā ǾAleyhi’s-Selām
MefǾūlü / MefāǾilün / FeǾūlün
1. Ey pādşeh-i serįr-i levlāk
Maķśūd-ı vücūd-ı ħāk ü eflāk
2. Olmış eflāk ħāk-ı rāhuñ
Ermiş eflāke ħāk-ı cāhuñ
3. Ey rāķım-ı nüsħa-yı maǾānį
MaǾmūre-yi Ǿilm ü dįne bānį
4. Şāhenşeh-i mesned-i risālet
Ressām-ı ķavāǾid-i Ǿadālet
5. Ey Ǿarş-ı nüvāz u ferş-perver
Defterdār-ı ĥisāb-ı maĥşer
6. Ser-defter-i enbiyā-yı mürsel
Añlara hem āħir ü hem evvel
7. Ey vāżıǾ-ı ıśŧılāĥ-ı įmān
Ĥāķdan sebeb-i nüzūl-ı Ķur’ān
8. Sensin o sulŧān ġayr ħaylüñ
Senden özge senüñ ŧufeylüñ
9. Ey ħalvet-i ķudse şemǾ-i maĥfil
Cibrįl tereddüdine menzil
10. Ĥaķ emri senüñle ħalķa cārį
Ķavlüñle ol emrüñ iǾtibārı
11. Ey ķıble-nümā-yı ehl-i ŧāǾat
Gencįne-yi gevher-i şefāǾat
12. Tāc-ı ser-i Ǿarş ħāk-ı pāyuñ
ŞemǾ-i şeb-i ķadr-i nūr-ı rāyuñ
13. Ey vāsıŧa-yı nižām-ı Ǿālem
Dįvān-ı Ĥaķa vezįr-i aǾžām
14. Ǿİrfān-ı śıfāt u źāta Ǿārif
Keyfiyyet-i kāǿināta vāķıf
15. Ey źātuñ içün beşer vücūdı
Ādemde saña melek sücūdı
17. Ey mekteb-i dānişe muǾallim
Maĥrūsa-yı ĥükm-i şerǾe ĥākim
18. Dergāhuña enbiyā rücūǾı
TaǾžįmile āsmān rükūǾı
19. Taĥsįn saña ey ħuceste-fercām
Kim vażǾ ķılup ŧarįķ-i İslām
20. Keyfiyyet-i ĥāli rūşen itdüñ
Ħayr u şer işin muǾayyen itdüñ
21. Aĥvāl-i evāmir ü nevāhį
MaǾlūm itdüñ bize kemāhį
22. Sen bildirdüñ ki kimdür Allah
Sensiz kim olurdı andan āgāh
23. Gümrāhları ŧarįķe śalduñ
Üftādelerüñ elini alduñ
24. Fāş oldı naśįĥatüñ cihāna
Sen ķoymaduñ ortada bahāne
25. Ammā bize yoķdur ol saǾādet
Kim ħıfż-ı ŧarįķüñ ola Ǿādet
26. İhmāl iderüz iŧāǾatüñde
Taķśįr-i edā-yı ħıdmetüñde
27. Her niçe ki ħˇāh u şerm-sāruz
Hem şefķatüñe ümįdvāruz
28. Kim feyż-i Ǿavāŧıf-ı Ǿamįmüñ
Şād eyleye göñlin ehl-i dįnüñ
[60b] 29. ǾĀśįlerüñ olasın penāhı
Nevmįdlerüñ ümįdgāhı
30. Sensün çü şefįǾ-i her meǾāśi
Ne ġam eger olsa kimse Ǿāśį
31. Ger bende ola tamām-ı ŧāǾat
İžhār neden bulur şefāǾat
32. Sensin bu serįr-i pādşāhı
Bu mülkde olanuñ penāhı
33. Her Ǿaśrda bir nebį žuhūrı
Her devrde bir Resūl nūrı
34. Fıŧrat yolını müzeyyen itdüñ
Yüz biñ şemǾile rūşen itdüñ
35. Tā gelmege rūşen ola rāhuñ
Budur reh ü resmi pādşāhuñ
36. Ħˇāb-ı Ǿadem içre şaħś-ı Ǿālem
Görmüşdi vücūdunu muķaddem
37. Kim lemǾa-yı nūrdan bir efser
Giymiş virmiş özine zįver
38. Bįdār olanda ol yuħudan
Gitmişdi ķarārı ārzūdan
39. Çün istedi ol menāme taǾbįr
Senden aña müjde virdi taķdįr
40. Dünyāya peyām-ı feyż-i nūruñ
Tenbįh-i saǾādet-i žuhūruñ
41. Ħalķa virüp intižām-ı maķdem
Oldem geldi ki geldi Ādem
42. Dünyā ŧalebinde oldı ķāǿim
Devrile seni dilerdi dāǿim
43. Bir bir yetüp özge enbiyāya
MiǾrāca çıķardı pāye pāye
44. Gezmezdi senüñle sāye hem-rāh
Gūyā ki nihāl-i ķaddüñ ey māh
45. Bu Ǿaleme virmiş idi vāye
Ol Ǿāleme śalmışidi sāye
Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012
